USH

Hæhæ!
Hér eru nokkrar mikilvægar upplýsingar varðandi Vestmannaeyjar:

1. Ef einhver í hópnum hefur grun um eða er með inflúensu (Svínaflensu). Skal hann láta tafarlaust vita!
2. Allir þurfa að senda mynd af sjálfum sér á mailið: unglingastarf@gmail.com, seinasta lagi kl. 24 á morgun (fimmtudag),
-það er sniðugt að nota facebook myndina sína eða eitthvað svoleiðis.
3. Orkudrykkir eru bannaðir á mótinu.

-Farangur-
Þegar haldið er í ferðalag sem þetta þá er nauðsynlegt að hafa réttan farangur. Því viljum við benda ykkur á nokkra hluti sem eru mikilvægir.
Föt til skiptanna, sundföt, skjólfatnað, góða skó og íþróttaskó. Nauðsynlegt er að koma með svefnpoka, kodda og dýnu (einbreiða), snyrtidót, s.s. tannbursta, tannkrem, sjampó, handklæði og fleira því tengt er nauðsynlegt. Munið líka eftir búningum fyrir laugardagskvöldið.
Svo verðum við að muna að þegar við erum í svona útilegu er nauðsynlegt að vera jákvæð/ur. Hafa bros á vör, gleði í hjarta og sýna náunga okkar fyllstu virðingu!

! Varðandi Svínaflensu !
Þeir sem hafa verið með flensulík einkenni nýlega eða eru með flensulík einkenni, fara ekki á mótið. Mikilvægt er að þau sem hafa verið með flensu hafi verið hitalaus í a.m.k. tvo sólarhringa.

Brottför í Þorlákshön (Herjólf) frá Reykjavík er föstudaginn 16. október kl. 17:30 frá Breiðholtskirkju.
Þeir sem eiga eftir að borga skulu borga inná reikning 303-26-1414, kt. 600169-3439.

Ef að það eru einhver vandræði er hægt að hafa samband við Betu í síma: 8659967

Kv. Gylfi og Beta

—

Í kvöld í USH ætlum við að hjápa krökkum í Úkraínu með því að vera með í verkefninu “Jól í skókassa.

Hér fyrir neðan eru upplýsingar hvernir skókassarnir eiga að vera.
Hvernig á að ganga frá skókassanum?
1. Finnið tóman skókassa og pakkið honum inn í jólapappír. Athugið að pakka lokinu sérstaklega inn þannig að hægt sé að opna kassann. Hægt er að nálgast skókassa í skóbúðum og mælt er með að fólk tryggi sér kassa í tæka tíð.
2. Ákveðið hvort gjöfin sé ætluð fyrir strák eða stelpu og fyrir hvaða aldur: (2-4), (5-9), (10-14) eða (15-18). Á baksíðu þessa bæklings finnið þið tilbúinn merkimiða. Klippið miðann út, merkið á hann aldursflokk viðtakanda og límið ofan á skókassann.
3. Setjið 300-500 krónur í umslag og leggið efst í kassann. Peningurinn er fyrir kostnaði sem fylgir verkefninu.
4. Lokið kassanum með því að setja teygju utan um hann.
Gjafir í skókassana
Í kassann skal setja a.m.k. einn hlut úr hverjum eftirtalinna flokka:
• Leikföng, t.d. litla bíla, bolta, dúkku, bangsa eða jó-jó. Athugið að láta auka rafhlöður fylgja rafknúnum leikföngum.
• Skóladót, t.d. penna, blýanta, yddara, strokleður, skrifbækur, liti, litabækur eða vasareikni.
• Hreinlætisvörur. Óskað er eftir því að allir láti tannbursta og tannkrem í kassann sinn. Einnig má setja sápustykki, greiðu, þvottapoka eða hárskraut.
• Sælgæti, t.d. sleikjó, brjóstsykur, pez, tyggjó eða karamellur.
• Föt, t.d. húfu, vettlinga, sokka, trefil, bol eða peysu.

Hvað má ekki fara í skókassana?
• Mikið notaðir eða illa farnir hlutir.
• Matvara.
• Stríðsdót, t.d. leikfangabyssur, leikfangahermenn eða hnífar.
• Vökvar, t.d. sjampó, krem eða sápukúlur.
• Lyf, t.d. vítamín, hálsbrjóstsykur eða smyrsl.
• Brothættir hlutir, t.d. speglar eða postulínsdúkkur.
• Spilastokkar. Þar sem spilastokkar eru tengdir fjárhættuspilum í Úkraínu, óskum við eftir að þeir séu ekki gefnir í skókassana.

Frekari upplýsingar eru gefnar í kvöld og á heimasíðunni www.skokassar.net

Kv. Gylfi og Beta

Komiði sæl og blessuð!

Nú hefst vetrarstarfið á ný, og þá er um að gera að byrja að mæta.
Í kvöld ætlum við að kynnast öll sem þekkjumst ekki og svo fara eitthvað að skemmta okkur í eins og Singstar, Spilum og fl.

Hérna er svo dagskráin fram að jólum en það stendur uppúr er klárlega Landsmótið sem verður 18. Október.

6. sept - Kynningarkvöld/Spil/Singstar
13. sept - Ljósmyndakeppni
20. sept - Óvissuferð
27. sept - Vídjó + popp
4. okt - Stuttmyndagerð f. stuttmyndakeppni landsmóts
11. okt - Jól í skókassa - leggjum okkar að mörkum!
18. okt - Landsmót ÆSKÞ í Vestmannaeyjum!!!
25. okt - Bakstur
1. nóv - Leynigestur
8. nóv - Afríkukvöld
15. nóv - Graffkennsla
22. nóv - Bingó
29. nóv - Bæjarferð
6. des - Jólafundur

Hlökkum til að sjá ykkur
Kveðja Gylfi og Elísabet

Jæja rjómabollur. Núna ætlum við að halda af stað í Vatnaskóg. Skráning fer fram næsta þriðjudag (12.Feb) Þá þurfa allir að koma með leyfisbréfið sitt undirskrifað af foreldrum. Og allra helst að koma með peninga. Við reiknum með að það kosti 7.900 kr. Sem er ekki mikið fyrir alla þessa skemmtun og allan þennan mat sem þið fáið.

Farið verður síðan frá Breiðholtskirkju kl 18.00 Föstudaginn 15. Febrúar og heimakoma er áætluð kl 16. Sunnudaginn 17. Feb.

Sjáumst næst.
KV. Leiðtogar….

Við ætlum að halda áfram með stuttmyndina sem við erum byrjuð á. Við munum taka upp. Endilega komið með búninga og hluti til að nota í myndinni. Komið líka með hlý föt því stuttmyndin verður tekin úti.

Hlakka til að sjá ykkur

 kv. Gylfi